Koperashon den henter Reino

E Konvenshon di UNESCO pa Salbaguradiá Patrimonio Kultural Intanhibel ta di 2003. Na 2012 Reino Hulandes a ratifiká e konvenshon akí. For di e tempu ei, Aruba, Kòrsou, Sint Maarten, Hulanda i entidat publikonan Boneiru, Saba i Sint Eustatius, ta traha na ehekushon di e konvenshon. Esaki nan ta hasi entre otro ku traha inventario. Na tur isla i na Hulanda, vários shen grupo ta hasi esfuerso máksimo pa salbaguardiá patrimonio kultural intanhibel pa futuro.

Desaroyo di kapasidat

Anteriormente Reino a duna sèn na e Fondo pa Patrimonio Kultural Intanhibel di e Konvenshon di UNESCO akí. Ta trata di e proyekto 'Fortifikashon di e kapasidat di Aruba, Boneiru, Kòrsou, Saba, Sint Maarten, Sint Eustatius i Sürnam pa implementá e Konvenshon pa Salbaguardiá Patrimonio Kultural Intanhibel.

E entrenamentunan a tuma lugá kada aña:

2013: Aruba

2014: Sint Maarten

2015: Kòrsou

2016: Kòrsou

2017: Boneiru

2018: Paramaribo

Durante e enkuentronan akí, a dediká atenshon na vários parti di ehekushon di e Konvenshon, manera elaborashon riba e konvenshon, trahamentu di plan pa salbaguardiá patrimonio, e asina yamá 'inventarisashon salí for di komunidat’, hasi palabrashon kon ta regla asuntunan. Durante e entrenamentunan tabata posibel tambe pa e partisipantenan interkambiá eksperensia i konosementu. Kenniscentrum Immaterieel Erfgoed Nederland (KIEN) tabata presente tambe na tur e enkuentronan.

Komité Karibe Hulandes di ICH – (Intangible Cultural Heritage - Patrimonio Kultural Intanhibel)

E seis islanan ta disidi huntu pa bai traha huntu asina fasilitá interkambio di konosementu i simplifiká kontakto ku otro. For di e manera di kolaborashon akí a lanta na 2016 Komité Karibe Hulandes di ICH.

Den esaki tin representantenan di Aruba, Boneiru, Kòrsou, Saba, Sint Maarten i Sint Eustatius. E koperashon ku Hulanda i Sürnam ta bon, regularmente tin konsulta ku otro.

Kon sigui awor?

Na 2018 Richenel Ansano, sekretario di Dutch Caribbean ICH Committee, a investigá kon tabata pará ku ehekushon di e Konvenshon di UNESCO di 2003 na e anterior Antia Hulandes. E investigashon tabata riba enkargo di Kenniscentrum Immaterieel Erfgoed Nederland.

A konkluí e investigashon akí ku un relato ku rekomendashon. Un di e rekomendashonnan tabata ku e seis islanan lo a sera un konbenio ku otro tokante koperashon. I tambe ku e kuater paisnan den Reino (Aruba, Kòrsou, Hulanda i Sint Maarten) lo traha un kontrato asina tambe ku otro. Tópiko di e konbenio tabata kon sigui ku ehekushon di e Konvenshon di UNESCO di 2003. 8 di febrüari 2019 a pone e promé paso pa esaki ora ku ministernan di e kuater paisnan a firma un deklarashon pa plannan ku nan tabatin.