No mester mira “Dia di Rincon” komo un simpel enkuentro ku anualmente ta atraé míles di bishitante for di Kórsou i Aruba. Mester mir’é hopi mas amplio, esta komo un patrimonio kultural intangibel importante di e pueblo di Rincon. E ta reuní hopi element di patrimonio kultural intangible manera muzik i kanto, simadan, ekshibishon di kustumbernan boneriano, arte kulinario di ántes, etc.
E festivalnan di kanto krioyo en konekshon ku Dia di Rincon, tantu esun di hende grandi komo esun di mucha, ta elementonan ku riba nan mes kaba por konsiderá komo patrimonio kultural intangibel. Tin hopi mas aktividat ku ta tuma luga den kuadro di Dia di Rincon i ta kulminá riba e dia akí ku ta 30 di aprél. Na 2023 ta kumpli 35 aña ku ta selebrá Dia di Rincon, un soño di Sr. Broertje Janga, fundadó, ku a keda realisá.

www.diadirincon.org