Pintura di indjan

E pinturanan indjan den diferente kueba, spelònknan di Boneiru, ta úniko. Gerard Bosch tabata e promé persona ku a hasi menshon di e pinturanan indjan na Onima, pegá ku Rincon na 1836. Geólogo Prof. Martin a identifiká mas pintura na 1888. Na 1879 i 1880 Pastor A.J. van Koolwijk ku tabata traha na Rincon a pinta e pinturanan aki. Den añanan trinta te ku sinkuenta, e pinturanan akí a bira foko di estudio di diferente outor, korant i amatùr entusiasmá. E promé estudio serio di e pinturanan tabata na enkargo di Pader P. Brenneker, kende a publiká numeroso artíkulo den añanan kuarenta.

Despues tin mas sientífiko ku a hasi estudio profundo di e pinturanan akí, pero te ainda no tin un splikashon tokante nan nifikashon. E estudio mas serio tabata hasí pa Paul Wagenaar Hummelinck na 1953 pa 1972, durante kua periodo el a realisá tambe algun publikashon. Den añanan ochenta, C.N. Dubelaar a re-investigá e pinturanan akí. Komo ku e pinturanan ta hopi menasá, e grupo di Bonai, bou di guia di Dr. Jay Haviser, a krea protekshon pa nan.

Via e lenk aki por haña mas informashon (hulandes i inglés).

http://archivoboneiru.com/collectie?mivast=2586&miadt=2586&mizig=211&miview=ldt&milang=nl&micols=1&mizk_alle=wagenaar

http://archivoboneiru.com/collectie?mivast=2586&miadt=2586&mizig=211&miview=ldt&milang=nl&micols=1&mizk_alle=jay