Durante e di ocho Reunion General di UNESCO di e Konvenshon di 2003 pa Patrimonio Kultural Intanhibel, a akreditá Fundashon Históriko Kultural di Boneiru, FUHIKUBO, ofisialmente komo organisashon no gubernamental (ngo) di UNESCO. Esei a sosodé djaweps 10 di sèptèmber 2020. Den e reunion, for di 65 petishon di tur parti di mundu, a akreditá solamente 36 ngo bou di kua tambe Museo Tula di Kòrsou.

https://www.unesco.nl/nl/artikel/unesco-accrediteert-bonairiaanse-stichting-FUHIKUBO

Komo miembro di UNESCO ICH NGO FORUM, FUHIKUBO huntu ku otro ngo-nan di UNESCO ta parti di un ret. E relashonnan akí i tambe e kantidat grandi di informashon ku por disponé di dje, ta ofresé posibilidat pa proyekto huntu. Ta ekstendé i kompartí e trabou di FUHIKUBO internashonalmente. Asina e patrimonio kultural intanhibel di Boneiru ta bira mundialmente konosí.

http://www.ichngoforum.org/category/ngos/geographic-area/latin-america-caribbean/.