Tokamentu di beku
Beku ta un flùit trahá di palu di maishi (sorghum). Despues ku kosechá maishi, tabata skohe e palunan mas diki i fuerte pa traha beku. Trahamentu i tokamentu di beku práktikamente a disparsé.
E instrumènt akí a bini di Afrika i tabata tok’é regularmente ainda te den añanan sesenta. Segun musikólogo Jos Gansemans den su buki ‘Volksinstrumenten, getuigen en resultaat van een interetnische samenleving’, informantenan a indiká ku tabata toka beku durante fiesta di simadan huntu ku barí, kachu, bamba, kitara i kuarta, òf huntu ku triangel i raspu.