Por mira Nort’i Saliña riba un mapa di Conradi i Jarman di 1866 komo Kunuku Bieu. Un bario ku te ku awor tin diferente habitante ku aparensia indígeno i ku ta papia ku orguyo di nan desendensia indígeno. Tabata un bario kaminda oropeonan a bai biba i huntu ku e indígenonan a forma un komunidat será ku hende djafó no por a drenta fásilmente. Aki tambe a dominá e bida di kunuku i di laman. Piskadó, nabegante i kunukero banda di otro ofishinan tabata forma base di entrada den e bario. Remarkabel ta ku e habitantenan tabata konosí komo kimadó di karbon. Den historia Nort’i Saliña tabata konosé tambe algun doño di barku. Fiestanan popular ku te ainda ta sigui selebrá ta Maskarada i San Juan. No ta selebrá Barí i Simadan asina tantu mas.