26 di yüni 1986 Konseho Insular bou di presidensia di gezaghèber George Soliana a aprobá e eskudo. 6 di sèptèmber 1986 a develá e eskudo den presensia di un kantidat grandi di miembro di parlamento i minister presidente Don Martina. E eskudo di Boneiru ta blou, referiendo na laman ku ta rondoná e isla, ku un timon di oro referiendo na e hopi nabegantenan boneriano ku pasa tur laman di mundu. E eskudo mei mei ta di plata ku seis punta kòrá, rondoná ku un renchi di kompas pretu. Un korona di markes ku sinku blachi i kuater perla ta kubri e totalidat, referiendo na e laso ku kas real hulandes.