Aparte di Maskarada, den e temporada di fin di a\u00f1a, Boneiru ta konos\u00ed pa su tokamentu di bar\u00ed. Den tur bario, ku eksepshon di Playa, tabatin tokamentu di bar\u00ed. Tantu na Rincon, Nort di Sali\u00f1a, Antri\u00f2l, Nikiboko komo Tera K\u00f2r\u00e1, tabatinsitionan spesial kaminda tabata organis\u00e1 e fiestanan aki, leu for di bista di outoridatnan polisial i pastor. For di \u00f2ktober kaba kueru tabata kumins\u00e1 zona, pa despues kulmin\u00e1 den temporada di fin di a\u00f1a. Prinsipalmente bispu di Pasku i bispu di A\u00f1a Nobo bar\u00ed tabata zona mas tantu. E lug\u00e1 sigur konsider\u00e1 komo e sentro di tokamentu di bar\u00ed \u00e1ntes tabata Piedra Pretu, peg\u00e1 ku e sitio na unda despues a konstru\u00ed Misa Evangelista (Alians Evang\u00e9lika).<\/p>\n
Tabata na Piedra Pretu ku hendenan di Rincon, tantu h\u00f2mber komo muh\u00e9, tabata bini huntu pa toka, kanta i balia. Otronan tabata keda para den skuridat na un distansia pa sigui e evento popular ak\u00ed, debi na miedu ku nan presensia na bar\u00ed lo por a hasi da\u00f1o na nan reputashon den sosiedat Pastornan tabata konsider\u00e1 tokamentu di bar\u00ed komo algu di diabel i di ningun manera no tabata ha\u00f1a esaki aseptabel den nan parokia. Originalmente e instrumentonan us\u00e1 den tokamentu di bar\u00ed tabata, aparte di e bar\u00ed of tambu mes, wiri, triangel i chapi. <\/p>\n
Mas despues otro instrumento a penetr\u00e1. E bar\u00ed mes tabata bini for di eksterior ku sierto produkto aden. Riba dje tabata r\u00e8k un kueru di karn\u00e9 kurt\u00ed, ku tabata mih\u00f3 ku kueru di kabritu. Kueru di karn\u00e9 ta mas fleksibel. Ku kalki di fruta di watapana tabata prepar\u00e1 e kueru, pa despues usa rais di pal’i kui i klabu di rei pa peg’\u00e9 riba e bar\u00ed. Tiramentu di pu\u00f1a tabata un dje ingredientenan b\u00e1siko den e fiesta di bar\u00ed. Si por eh\u00e8mpel un mucha muh\u00e9, sigur si e tabata di bon famia, sali na estado, tabata kant’\u00e9 na bar\u00ed.Banda di tokamentu di bari, tabatin tambe batimentu di mesa. Enbes di usa un bar\u00ed, pa saka muzik, nan tabata bati riba un mesa. E tabata djis un forma pa evit\u00e1 ku polis por a aktua. Tokamentu di bar\u00ed tabata prohib\u00ed; batimentu di mesa n\u00f2! Tambe sa usa e n\u00f2mber \u2018baile di se\u00f1orita\u2019 pa batimentu di mesa, pasobra ei si hendenan mas desente, entre otro se\u00f1oritanan n\u00e8chi, por a akudi sin da\u00f1a nan reputashon. Den e bario Mexico, parti pariba di Antri\u00f2l, nan tabata bati mesa, dunando asina un toke mas desente i legalmente aseptabel na e aktividat aki. <\/p>\n