Bamba ta un instrumènt musikal hopi usá den gruponan musikal krioyo na Boneiru. Ta trata aki di un instrumènt musikal universal, ku por haña na Afrika, Sur Amérika i Asia. Esaki ta proba pues ku ta trata di un instrumènt universal ku segun tur probabilidat a drenta e islanan aki ku e katibunan ku a bini for di Afrika. El a bira un patrimonio organológiko di Boneiru.

Echo ta ku ta trata di un instrumènt musikal importá, pero ku a bira parti di e muzik krioyo boneriano, manteniendo su mes te awe. Ta traha bamba di kaña brabu (bambu) ku ta subi kosta boneriano.